საქართველოს საზღვრიდან 115 კილომეტრში, აზერბაიჯანის ქალაქ შამქორთან ახლოს მიწისძვრა დღეს, 12:04 წუთზე მოხდა. მიწისძვრის ეპიცენტრი 10 კილომეტრის სიღრმეში მდებარეობს.
აზერბაიჯანული მედიის, apa.az-ის ცნობით, მიწისძვრა ეპიცენტრთან იყო 4 მაგნიტუდის სიმძლავრის, ხოლო მახლობელ რეგიონებში 3.2 მაგნიტუდას აღწევდა.
ამავე გამოცემის ცნობით, შამქორის მიწისძვრამდე 7 წუთით ადრე, ყაბალას რაიონში დილის 11:57 წუთზე მოხდა კიდევ ერთი მიწისძვრა, რომლის სიმძლავრე ეპიცენტრში 3.3 მაგნიტუდა იყო. მედიის ცნობით, მიწისძვრის ეპიცენტრი სიღრმეში 14 კმ-ია და ამიტომ არ იგრძნობოდა.
კიდევ ერთი, 3.8 მაგნიტუდის სიმძლავრის მიწისძვრა, apa.az-ის ცნობით, მოხდა კასპიის ზღვის სანაპიროზე, დილის რვა საათზე.