შსს-ს განცხადებით, რუსთავში დააკავეს 1991 წელს დაბადებული პირი, რომლის პირადი და საცხოვრებელი სახლის ჩხრეკისას განსაკუთრებით დიდი ოდენობით სხვადასხვა სახის ნარკოტიკი ამოიღეს, კერძოდ:
- 709 აბი „მდმა“;
- 86 აბი „სუბოქსინი“;
- 93 აბი „სუბუტექსი“;
- 3 აბი „B8“;
- 119 შეკვრად დაფასოებული 1 კილო და 239 გრამი ე.წ. „ბიო“;
- 28,890 გრამი ახალი ფსიქოაქტიური ნივთიერება.
ბრალდებულს 8-დან 20 წლამდე ან უვადო თავისუფლების აღკვეთა ემუქრება.
შსს-ს განცხადებით, 30 ივლისს, რუსთავში, მესხიშვილის ქუჩაზე, გ.ჰ. გადამოწმების მიზნით იმ დროს შეაჩერეს, როდესაც იგი ავტომანქანით გადაადგილდებოდა. პოლიციის ინფორმაციით, გადამოწმების პროცესში გ.ჰ.-მ საკუთარი ავტომანქანა მიატოვა და გაქცევა სცადა, მაგრამ იგი დააკავეს.
გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და ახალი ფსიქოაქტიური ნივთიერების უკანონო შეძენა-შენახვა-გადაზიდვის მუხლებით მიმდინარეობს.