ქიბარ ხალვაში ამბობს, რომ ჯარჯი აქიმიძესა და დავით დვალს რუსთავი 2-ის წილის 40% შესთავაზა, რაც ამ უკანასკნელებმა არ მიიღეს.

ხალვაშის თქმით, დვალმა და აქიმიძემ მას უთხრეს, რომ ამ წინადადებას არ იღებენ და სხვა შეთავაზებას დაელოდებიან.

“გაკეთდა შეთავაზება, რომ ყოფილიყვნენ  პარტნიორები, რ2-ის 40% [შევთავაზე], ბედნიერება ვერ შევატყვე”, – განაცხადა ხალვაშმა.

“დვალი და აქიმიძე არიან კარგი პიროვნებები, კონსტრუქციულები და მათთან შეხვედრები არავითარ სიმძიმეს არ წარმოადგენს”, – ამბობს ხალვაში.

მისივე თქმით, მოლაპარაკებები გაგრძელდება.

2015 წელს ხალვაში დვალს და აქიმიძეს, რომლებიც არხის დამფუძნებლები არიან, რ2-ის წილის 50%-ს და მენეჯმენტს სთავაზობდა. დღეს ამბობს, რომ დვალს და აქიმიძეს 50% რომც დაუთმოს, დირექტორი მაინც პაატა სალია იქნება.

“რატომ გინდათ, რომ ჩემი მატერიალური ქონება გავანაწილო და ვინმეს ვაჩუქო. არ გადამითქვია [პირობა]”, – ამბობს ხალვაში. “სალია ცუდი დირექტორია?!”.

ქიბარ ხალვაშის თქმით, აგრძელებს უცხოელი მედიამენეჯერის ძიებას.