ინტერფაქსის ინფორმაციით, მოსკოვის დომოდედოვოს აეროპორტში ბათუმიდან ჩაფრენილ მგზავრებს სიცხე გაუზომეს.
როსპოტრებნადზორის სანიტარებმა უკონტაქტო თერმომეტრები გამოიყენეს, ხოლო მიზანი “რუსეთის ტერიტორიაზე ინფექციური დაავადებების გავრცელების პრევენცია იყო”.
ინტერფაქსის ცნობით, ერთ-ერთ ბავშვს 38 გრადუსი ტემპერატურა დაუდგინდა, მშობლებმა მის ჰოსპიტალიზაციაზე უარი განაცხადეს. გამოცემის ინფორმაციით, ექიმებს სხვა “დაავადებულები არ გამოუვლენიათ”.
შემოწმება 30 წუთის განმავლობაში მიმდინარეობდა.
რუსეთის პრეზიდენტ ვლადიმირ პუტინის გადაწყვეტილებით 8 ივლისიდან რუსეთსა და საქართველოს შორის პირდაპირი ფრენები დროებით შეწყდება.