ნინო ქათამაძემ მოსკოვში, Усадьба Jazz ფესტივალის ფარგლებში 22 ივნისს იმღერა.
https://www.facebook.com/UsadbaJazz/photos/a.174354996015971/2221262561325194/?type=3&theater
ამ დღეს თბილისში, აქტივისტები რუსულ ოკუპაციასა და სახელმწიფოს მხრიდან დემონსტრანტებზე ძალადობას აპროტესტებდნენ. ქათამაძის სიმღერის ვიდეოს ინსტაგრამზე წამყვანი ალექს დუბასი ავრცელებს. მისი თქმით, მათ უკვე “დანამდვილებით იციან, რომ ქართველების უმრავლესობა რუსოფობები არ არიან“.
“ძვირფასო ქართველებო, მე ამ შაბათ-კვირას მქონდა ბედნიერება Усадьба Jazz-ის ფესტივალის წამყვანი ვყოფილიყავი. ეს-ეს არის დასრულდა ნინო ქათამაძის გამოსვლა. მან თქვა, რომ მისი გული ახლა საქართველოშია. მე კი ვუთხარი, რომ მაყურებლის გულები მასთან არის, რაც ნიშნავს, რომ მათი გულები საქართველოშიცაა. ამ ვიდეოში თქვენ ხედავთ, თუ როგორ უკრავენ ტაშს და მღერიან მასთან ერთად. მიტომ რომ ჩვენ ზუსტად ვიცით, რომ თქვენი [ქართველების] უმრავლესობა რუსოფობები არ არიან“.
- თბილისში მესამე დღეა მიმდინარეობს მრავალათასიანი დემონსტრაცია
- მრავალათასიანი დემონსტრაციები თბილისში მოყვა რუსეთის დუმის დეპუტატების ვიზიტს საქართველოში და სერგეი გავრილოვის მიერ საქართველოს პარლამენტის თავმჯდომარის სავარძლიდან მართლმადიდებლობის საპარლამენტთაშორისო გენერალური ასამბლეის სესიის გახსნას. რის შემდეგაც შესვენებისას, პარლამენტის სხდომათა დარბაზში შევიდნენ “ევროპული საქართველოსა” და “ერთიანი ნაციონალური მოძრაობის” დეპუტატები და სესიის გაგრძელების საშუალება არ მისცეს.
- ხელისუფლებამ 20-21 ივნისს ძალის გამოყენებით დაშალა საპროტესტო აქცია თბილისში, პარლამენტთან, რის შედეგად დაშავდა ათეულობით ადამიანი. დაშავებულთა შორის არიან ჟურნალისტებიც;
- დააკავეს დემონსტრაციის 305 მონაწილე;
- დაშავდა 240 მოქალაქე, მათ შორის 80 პოლიციელი. ზოგიერთმა მოქალაქემ დაკარგა თვალი;
- პოლიციას არ აკეთებს კომენტარს დაიწყო თუ არა გამოძიება ძალის გადამეტებაზე;
- გადადგა პარლამენტის თავმჯდომარე ირაკლი კობახიძე, ხოლო დეპუტატმა ზაქარია ქუცნაშვილმა დატოვა დეპუტატის მანდატი.
ამავე თემაზე:
დემონსტრანტებმა ხელისუფლებას ვადა 23 ივნისის, 14.00 საათამდე მისცეს