ზუგდიდში დამკვირვებელი პოლიციაში გადაიყვანეს.
ნუნუ კუკავა მე-80 და მე-3 უბნებზე აკვირდებოდა საარჩევნო პროცესს. ამ უბნების კომისიის წევრები ამბობენ, რომ არ იციან, რის გამო წაიყვანეს პოლიციელებმა დამკვირვებელი . სხვა დამკვირვებლების თქმით კი, ნუნუ კუკავა საარჩევნო უბნების წინ მოქალაქეებთან ქუჩაში კამათობდა.
ზუგდიდის პოლიციის უფროსის, ირაკლი ფაცაციას თქმით, მოქალაქე პოლიციელებმა კონფლიქტს განარიდეს და გამოკითხვაზე გადაიყვანეს.
