სამეფო კარის თამაშების მერვე სეზონის მეხუთე სერიას, რომლის პრემიერაც 12 მაისს შედგა, ამ დროისთვის შოუს ისტორიაში ყველაზე დაბალი რეიტინგი აქვს. ამ დროისთვის ეპიზოდის რეიტინგი Rotten Tomatoes-ზე არის 49%.
ამავე პლატფორმაზე ვკითხულობთ, რომ ფანების მოსაზრებით, შოუს ავტორებს დრო არ ეყოთ კომპლექსური სიუჟეტის გადმოსაცემად. შოუს მაყურებლებს ასევე არ მოეწონათ ხოცვა-ჟლეტა და ნგრევა, რომელიც სერიალის ამ ეპიზოდში ვიხილეთ.
Rotten Tomatoes-ზე სერიალის მერვე სეზონს რეიტინგი არის 73%, თავად სერიალის რეიტინგი კი 91%-ს შეადგენს. შედარებისთვის, სერიალის მეშვიდე სეზონის რეიტინგი ამავე საიტის მიხედვით 93%-ია.
სამეფო კარის თამაშების ფინალური სერია თბილისის დროით 20 მაისს, დილის 5 საათზე გამოდის.