ნეტგაზეთი | წილხვდომილობაზე ბახტაძის სიტყვა ხარვეზით გადასცეს, მან საგანგებო ბრიფინგი ჩანიშნა წილხვდომილობაზე ბახტაძის სიტყვა ხარვეზით გადასცეს, მან საგანგებო ბრიფინგი ჩანიშნა – Netgazeti
RU | GE  

წილხვდომილობაზე ბახტაძის სიტყვა ხარვეზით გადასცეს, მან საგანგებო ბრიფინგი ჩანიშნა

12 მაისს, როდესაც მართლმადიდებელი ეკლესია ღვთისმშობლის წილხვდომილობის ახლადგამოცხადებულ დღეს აღნიშნავს, პრემიერ-მინისტრი მამუკა ბახტაძის სიტყვა მახათას მთაზე, სადაც ახალი ტაძარი აკურთხეს, საზოგადოებრივი მაუწყებლის პირველი არხის ეთერში ხარვეზით — შენელებულად — გადასცეს.

„სამწუხაროდ, მახათას მთაზე შეიქმნა აუდიო და ვიდეოგადაცემისას ტექნიკური პრობლემა. მე მქონდა, მაქვს სურვილი, გადავცე ჩემი ემოცია და დამოკიდებულება ამ საკითხზე საზოგადოებას“, — განაცხადა ბახტაძემ და წილხვდომილობა მიულოცა მოსახლეობას.


საზოგადოებრივმა მაუწყებელმა ხარვეზის გამო მაყურებელს ბოდიში მოუხადა და ასეთი განმარტება გაავრცელა:

“12 მაისს, მახათას მთაზე ივერიის ყოვლადწმინდა ღვთისმშობლის ხატის სახელობის ტაძრის გახსნისას, პრემიერ-მინისტრ მამუკა ბახტაძის სიტყვით გამოსვლის დროს, ხალხმრავლობის გამო, ფიზიკური კონტაქტის შედეგად დაზიანდა აუდიო-ვიდეო კაბელი, რის გამოც ტრანსლაციის დროს მოხდა ტექნიკური ხარვეზი. ტექნიკური წუნის გამო საქართველოს პირველი არხი მაყურებელს ბოდიშს უხდის”.

ნახეთ ასევე:

პატრიარქმა მახათას მთაზე ახალი ტაძარი აკურთხა

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com