ელექტრონული პეტიციების პორტალმა Manifest.ge-მ წაშალა საიტზე განთავსებული პეტიცია, რომელიც თბილისში დაგეგმილი პრაიდის კვირეულის წინააღმდეგ იყო მიმართული.
პეტიციით ადამიანთა ჯგუფი სახელმწიფოს მიმართავდა, გამოთქვამდა ხელისუფლების მიერ ადამიანის უფლებათა შეზღუდვისა და პრაიდის ფარგლებში დაგეგმილი ღონისძიების – ღირსების მარშის – აკრძალვის იმედს.
Mainifest-.ge-მ შესაბამისი განცხადება ფეისბუქზე გაავრცელა და აღნიშნა, რომ პეტიცია ადამიანის საყოველთაოდ აღიარებულ უფლებებს ეწინააღმდეგებოდა.
“Manifest.ge -ზე განთავსებული იყო LGBTQ აქციის წინააღმდეგ მიმართული პეტიცია, რომელიც იყო დისკრიმინაციული, შეიცავდა სიძულვილის ენის ტექსტს და მიმართული იყო ადამიანის საყოველთაოდ აღიარებული უფლებების წინააღმდეგ. შესაბამისად აღნიშნული პეტიცია ამოღებულია საიტის ადმინისტრაციის მიერ”, – აღნიშნავს ადმინისტრაცია.
თბილისი ლგბტქი მიმდინარე წლის 18-23 ივნისს გაიმართება. ღონისძიებას საქართველოს დედაქალაქი პირველად უმასპინძლებს.
ორგანიზატორთა ცნობით, კვირეულის ფარგლებში, სამი ღონისძიებაა დაგეგმილი: საერთაშორისო კონფერენცია, სპექტაკლი და ღირსების მარში. მათი თქმით, მარშზე ლგბტ თემის წარმომადგენლებსა და მათ მხარდამჭერებს ელიან და ქვეყანაში ლგბტ ადამიანების მდგომარობიდან გამომდინარე, ღონისძიება საპროტესტო იქნება და არა საზეიმო/კარნავალიზებული.
