ლანისტერების, დაენერისის, ბოლტონების და GOT-ის სხვა პერსონაჟების ომის დანაშაულები

„სამეფო კარის თამაშების“ (GOT-ის) ბოლო, მე-8 სეზონის პირველი სერია 14 აპრილს გამოდის. სულ რამდენიმე კვირაში გვეცოდინება, როგორ დასრულდება „ყინულისა და ცეცხლის სიმღერა“.

ფინალური სეზონის გამოსვლამდე რამდენიმე დღით ადრე ჰუმანიტარულმა ორგანიზაციამ, „წითელი ჯვრისა და წითელი ნახევარმთვარის საერთაშორისო მოძრაობამ“, გამოაქვეყნა სია, რომელიც აჩვენებს, რამდენჯერ დაარღვიეს სერიალის პერსონაჟებმა საერთაშორისო ჰუმანიტარული სამართლის ნორმები და ჩაიდინეს ომის დანაშაული.

დანაშაულები მოიცავს დანაშაულთა მთელ რიგს, მათ შორის, წამებასა და არაადამიანურ მოპყრობას, მძევლების აყვანას, განზრახ მძიმე ტრავმების მიყენებას, სქესობრივ ძალადობას, ვერაგობას (მაგალითად, დროებით ცეცხლის შეწყვეტის ალმის ან მოწინააღმდეგის დროშის უკანონო გამოყენებას (Perfidy)) და ა.შ..

„სამეფო კარის თამაშების“ პერსონაჟების დანაშაულების რაოდენობა 7 სეზონის განმავლობაში

„წითელი ჯვრის“ თანახმად,  7 სეზონის განმავლობაში საერთაშორისო სამართლის ნორმები ყველაზე მეტჯერ რემზი ბოლტონმა დაარღვია — მას 17 დარღვევა აქვს; შემდეგ მოდის დეინერის ტარგარიენი 15 დარღვევით; 8 დარღვევით მესამე ადგილზეა რემზი ბოლტონის მამა, რუს ბოლტონი; შემდეგ მოდიან ჯონ სნოუ, ღამის მეფე და დაჯგუფება „ჰარპიის შვილები“ — ყველანი 6-6 დარღვევით.

რემზი ბოლტონი

დაენერის ტარგარიენი

რუზ ბოლტონი

ღამის მეფე

ჰარპიის შვილები

ჯონ სნოუ

იურონ გრეიჯოი

უოლდერ ფრეი

ტაივინ ლანისტერი

ტირიონ ლანისტერი

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com