“პატრიოტთა ალიანსის” დეპუტატი ემზარ კვიციანი 2020 წლის შემდეგ პოლიტიკიდან წასვლას გეგმავს. ამის შესახებ მან Palitra News-ის გადაცემაში “7vs1” განაცხადა.
ჟურნალისტმა კვიციანს ჰკითხა, ხომ არ იქნეობდა მისი ე.წ. წყვილების დახმარების ცენტრი გამოყენებული “პოლიტიკური ქულების ჩასაწერად”. კვიციანმა მას ასე უპასუხა:
“ჯერ უნდა მკითხოთ, ვაპირებ თუ არა პოლიტიკაში ყოფნას 2020 წლის შემდეგ”.
მას შემდეგ კი, რაც წამყვანი ჩაეკითხა, გეგმავს თუ არა პოლიტიკაში დარჩენას, დეპუტატმა განაცხადა:
“არ ვგეგმავ. უკვე 60 წლის გავხდები 2022 წელს და ალბათ ქველმოქმედებით დავკავდები.
…დამრჩა კიდევ თითქმის 2 წელი, ვიშრომებ, გავაკეთებ, რაც შეძლება ყველაფერს, მთლიანად დავიხარჯები, შეიძლება ითქვას, და ამის შემდეგ წავალ ჩემს გზაზე”, – აღნიშნა მან.