ჭიჭინაძე ბესელიას ფრაქციაში არ შევა და პარტიის შექმნას თვითონ აპირებს

დეპუტატი დავით ჭიჭინაძე ეკა ბესელიას სამომავლო ფრაქციაში, სავარაუდოდ, არ გაწევრიანდება და თვითონ აპირებს პარტიის შექმნას. ამის შესახებ ჭიჭინაძემ ჟურნალისტებს  დღეს განუცხადა.

“მე ალბათ დაველოდები გარიცხულ დეპუტატებს, იმათთან უფრო კომფორტული იქნება ფრაქციის შექმნა, ვიდრე გამოსულებთან”, – განაცხადა ჭიჭინაძემ.

“მე დღეს არავის ფრაქციაში ყოფნას არ ვაპირებ, პირდაპირ გეტყვით”, – ასე უპასუხა მან კითხვას, გაწევრიანდება თუ არა ბესელიას სამომავლო ფრაქციაში.

“ფრაქცია არის პოლიტიკური ორგანიზაცია, მე უნდა ვიცოდე შეხედულებები, ვინ იქნებიან ამ გაერთიანებაში და საერთოდ ვთვლი, რომ დრო დადგა, მე თვითონ შევქმნა პოლიტიკური ორგანიზაცია…”, – განაცხადა ჭიჭინაძემ.

დეპუტატის თქმით, მისი ძირითადი დასაყრდენი “ოცნების” იმედგაცრუებული მხარდამჭერები და წევრები იქნებიან, ასევე კონსულტაციები აქვს არასაპარლამენტო ოპოზიციის წარმომადგენლებთანაც.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com