ნეტგაზეთი | მთავრობა აპირებს, ფერმერების ტექნიკური მხარდაჭერის ახალი პროგრამა დაამტკიცოს მთავრობა აპირებს, ფერმერების ტექნიკური მხარდაჭერის ახალი პროგრამა დაამტკიცოს – Netgazeti

მთავრობა აპირებს, ფერმერების ტექნიკური მხარდაჭერის ახალი პროგრამა დაამტკიცოს

პრემიერ-მინისტრი მამუკა ბახტაძემ განაცხადა, რომ მთავრობა აპირებს ახალი პროგრამის დამტკიცებას სოფლის მეურნეობაში დასაქმებული ადამიანების დასახმარებლად.

“გასული წელი იყო გამორჩეული… სოფლის მეურნეობის პროდუქციის თითქმის 1 მილიარდი დოლარის ექსპორტი განვახორციელეთ. ეს ნიშნავს, რომ გვაქვს პოზიტიური დინამიკა სოფლის მეურნეობაში, თუმცა არ გახლავთ საკმარისი. ჩვენი მოსახლეობის უდიდესი ნაწილი სოფლის მეურნეობაშია დასაქმებული, შესაბამისად, ვაპირებთ გავზარდოთ მხარდამჭერი პროგრამები”, – განაცხადა ბახტაძემ.

ბახტაძის თანახმად, სახელმწიფოს სოფლის მეურნეობის სექტორში ძირითადი საშუალებების და ტექტნიკის “მნიშვნელოვანი დეფიციტი” აქვს. “შესაბამისად, შევიმუშავეთ ახალი პროგრამა, რომლს მიზანია, რომ ხელმისაწვდომობა გავზარდოთ, რომ ფერმერებმა თანადაფინანსებით შეძლონ სოფლის მეურნეობისთვის აუცილებელი ტექნიკის შესყიდვა”, – განაცხადა მან.

მისი თქმით, პროგრამის ბიუჯეტი დაახლოებით 4 მლნ ლარი იქნება.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com