ნეტგაზეთი | ვანში შსს-სა და პროკურატურის თანამშრომლები ერთმანეთს დაუპირისპირდნენ ვანში შსს-სა და პროკურატურის თანამშრომლები ერთმანეთს დაუპირისპირდნენ – Netgazeti

ვანში შსს-სა და პროკურატურის თანამშრომლები ერთმანეთს დაუპირისპირდნენ

11 იანვარს ვანის ერთ-ერთ რესტორანში შინაგან საქმეთა სამინისტროს და პროკურატურის თანამშრომლები ერთმანეთს დაუპირისპირდნენ.

შსს-ის ცნობით, გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს;

ამასთან, ფაქტის შესწავლა დაიწყო შინაგან საქმეთა სამინისტროს გენერალურმა ინსპექციამ, — უწყებამ, რომელიც სამართალდამცავი უწყებების თანამშრომლების გადაცდომებს სწავლობს.

შსს-ის ცნობითვე, ინციდენტის მონაწილე სამართალდამცველებს სამსახურეობრივი უფლებამოსილება შეუჩერდათ.

კადრი: იმერეთში მდებარე სააგენტო topnews.com.ge

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com