ცესკოს რეგისტრაციის მიზნით 34-მა პოლიტიკურმა გაერთიანებამ მიმართა, რომელთაგან 26 დაარეგისტრირა, ხოლო ხოლო 6 გაერთიანებასს უარი ეთქვა რეგისტრაციაზე.
ცენტრალურ საარჩევნო კომისიაში უკვე რეგისტრირებულია 2 საარჩევნო ბლოკი: ”ქართული ოცნება”და ”არასაპარლამენტო ოპოზიცია”. შეგახსენებთ, რომ კანონმდებლობის თანახმად ცესკოს მიერ რეგისტრირებულ პარტიებს 3 მაისის ჩათვლით უნდა წარედგინათ განაცხადი საარჩევნო ბლოკის შექმნის თაობაზე.
ბლოკების შექმნის მიზნით კომისიაში დამატებით ორი განაცხადია შემოსული: რეგისტრირებული პარტიებიდან ბლოკის – ”ერთიანი ნაციონალური მოძრაობა” შექმნის თაობაზე ცესკოს ”ერთიანი ნაციონალური მოძრაობამ” და ქრისტიან-კონსერვატიულმა პარტიამ მომართეს.
ხოლო ”თვითმმართველობა ხალხს” ბლოკის შექმნის მოთხოვნით, კომისიაში განაცხადი შემოიტანეს პარტიებმა – ”ევროპელი დემოკრატები”და ”სამართლიანი საქართველოსთვის”.
ცესკოს ცნობით, საარჩევნო კანონმდებლობის შესაბამისად, ზემოაღნიშნული პარტიების ბლოკებად რეგისტრაციის პროცედურები 9 მაისისთვის დასრულდება. ადგილობრივი თვითმმართველობის არჩენები 2014 წლის 15 ივნისს გაიმართება.