ნეტგაზეთი | პრეზიდენტმა 57 მსჯავრდებული შეიწყალა პრეზიდენტმა 57 მსჯავრდებული შეიწყალა – Netgazeti
RU | GE  

პრეზიდენტმა 57 მსჯავრდებული შეიწყალა

საქართველოს პრეზიდენტმა 25 ოქტომბერს 57 მსჯავრდებული შეიწყალა.

როგორც პრეზიდენტის ადმინისტრაციის გავრცელებულ პრესრელიზში წერია, შეწყალების კომისიის თავმჯდომარემ, ზვიად ქორიძემ განაცხადა, რომ შეწყალების აქტის საფუძველზე თავისუფლების აღკვეთის დაწესებულებებიდან გათავისუფლდა 30 მსჯავრდებული.

“ვადიანი და უვადო თავისუფლების აღკვეთის სახით შეფარდებული სასჯელი შეუმცირდა 27 პირს, მათ შორის 2 ქალს”.

უწყების თანახმად, შეწყალების საკითხთა კომისიამ 22-24 ოქტომბრის პერიოდში  575 მსჯავრდებულის საქმე განიხილა.

“პრეზიდენტის განკარგულება უკვე გადაეგზავნა საქართველოს იუსტიციის სამინისტროს სპეციალურ პენიტენციურ სამსახურს”.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com