თბილისში, ჩიტაიას ქუჩაზე გზის სამანქანო ნაწილი ჩავარდა. მომხდარის ამსახველი ვიდეომასალა “ფეისბუკში” ვრცელდება.

საგანგებო სიტუაციების მართვის სამსახურში “ნეტგაზეთს” განუცხადეს, რომ დაშავებულების შესახებ ინფორმაცია მათთან არ შესულა.

როგორც “ნეტგაზეთს” Georgian Water And Power-ში განუცხადეს (GWP), ადგილზე ფარული დაზიანება იყო, რამაც ნიადაგის გამორეცხვა გამოიწვია ამას კი გზის ჩავარდნა მოჰყვა. GWP-მ გზის აღდგენითი სამუშაოები უკვე დაიწყო.