ნეტგაზეთი | ფეხით მოსიარულეებისთვის ჯარიმა 10 ლარამდე გაიზარდა ფეხით მოსიარულეებისთვის ჯარიმა 10 ლარამდე გაიზარდა – Netgazeti

ფეხით მოსიარულეებისთვის ჯარიმა 10 ლარამდე გაიზარდა

პარლამენტმა 75 ხმით 0-ის წინააღმდეგ მესამე მოსმენით დაამტკიცა ადმინისტრაციულ სამართალდარღვევათა კოდექსში ცვლილებები, რომლის ერთ-ერთი მუხლის თანახმადაც ფეხით მოსიარულეთათვის განსაზღვრული 3-ლარიანი ჯარიმა 10 ლარამდე გაიზარდა. 

ცვლილებების მიხედვით, საგზაო მოძრაობის მონაწილე პირის მიერ (გარდა მექანიკური სატრანსპორტო საშუალების მძღოლისა) საგზაო მოძრაობის მარეგულირებელი სიგნალისადმი დაუმორჩილებლობა, საგზაო ნიშნის, ან საგზაო მონიშვნის მოთხოვნათა უგულებელყოფა გამოიწვევს პირის დაჯარიმებას 10 ლარის ოდენობით.

 

გარდა ამისა, ამავე მუხლის თანახმად, გზაზე მსხვილფეხა ან წვრილფეხა პირუტყვის გადაადგილების წესის დარღვევა გამოიწვევს დაჯარიმებას 10 ლარის ოდენობით. 

ნეტგაზეთის მასალების სხვა გამოცემებში გადაბეჭდვის წესი
გივი ავალიანი