დავით საგანელიძე: ჩემთვის ჩირქის მოცხებას ცდილობენ და ტალახს მესვრიან

საპარლამენტო  უმრავლესობის ლიდერი დავით საგანელიძე ნანა დევდარიანსა და შალვა ნათელაშვილს დაუსაბუთებული ბრალდებების გავრცელებაში სდებს ბრალს და მათგან ბოდიში მოხდას მოითხოვს. როგორც საგანელიძე განმარტავს, საუბარია ნანა დევდარიანის მიერ გაკეთებულ განცხადებაზე, სადაც ის საუბრობს, რომ ბიზნესებში წილების გადანაწილების შედეგად საგანელიძის ძმისშვილი სადაზღვეო კომპანია „არქიმედეს გლობალ ჯორჯიას“ გენერალურ დირექტორად დაინიშნა. მისივე თქმით, ინფორმაციის გამავრცელებლები ჩირქის მოცხებას ცდილობენ და ტალახს ესვრიან:

უმრავლესობის ლიდერი შს მინისტრის მოადგილის, გელა ხვედელიძის დაკავებასაც შეეხო და განაცხადა, რომ მისი დაკავება ძალიან დიდი ტკივილი იყო:

“ჩემთვის ძალიან დიდი ტკივილი იყო, როდესაც ამის შესახებ შევიტყვე. რადგან გელა ხვედელიძე არის ის ადამიანი, რომელთან ერთადაც მე მთელი წინასაარჩევნო პერიოდი გავიარე. გელა არის ის ადამიანი, რომელსაც მე პრაქტიკულად გამოვუცხადე ნდობა და ძალიან მეწყინა, როდესაც მან ეს არასწორი ნაბიჯი გადადგა და დაუშვა შეცდომა, რბილად რომ ვთქვათ. ის აჰყვა ემოციებს, გამოიყენა თავისი თანამდებობრივი უფლებები იმისთვის, რომ შური ეძია. აქვე მინდა ვთქვა, რომ უპრეცედენტოა, როდესაც ახალმოსული ხელისუფლება თავისი გუნდის ერთ-ერთ ლიდერს ასე სჯის. რა თქმა უნდა, გირაოთი მისი გათავისუფლება ამ შემთხვევაში გამართლებულია, რადგან ის არსად არ გაიქცევა. გამოძიება დეტალურად შეისწავლის, რა იყო, რა მოხდა, რამ აიძულა გელა ხვედელიძე გადაედგა ეს ნაბიჯი.”