ფილიპ დიმიტროვი საკონსტიტუციო ცვლილებების განხორციელებაში სირთულეს არ ელის

“ეს არ არის ჩემი საქმე, შევაფასო, როდის და როგორ უნდა გაკეთდეს კონსტიტუციური ცვლილებები სუვერენულ ქვეყანაში. მაგრამ გულწრფელად რომ გითხრათ, ჩემთვის იმედის მომცემი იყო ის ბოლოდროინდელი სიახლეები, რომლებიც აჩვენებდა, რომ არის დადებითი დინამიკა განსხავავებულ პოლიტიკურ მოთამაშეებს შორის ქართულ პოლიტიკურ სპექტრზე. მე არ მოველი, რომ ამ მიმართულებით რამე განსაკუთრებული სირთულე უნდა იყოს, თუკი უმრავლესობა მიიჩნევს, რომ ეს არის სათანადო მიმართულება და, ამავდროულად, უმცირესობა თვლის, რომ ეს მათი იდეა იყო, მე მგონი, სწორედ ძალიან კარგი შესაძლებლობაა, რომ იყოს გამონახული რაღაც საერთო ენა”, – განაცხადა ფილიპ დიმიტროვმა. მისი თქმით, ხელისუფლება მართავს ქვეყანას როგორც მათთვის, ვინც მას მხარი დაუჭირა, ასევე მათთვის, ვინც მას მხარი არ დაუჭირა. ამიტომ კარგი იქნება, თუკი დროდადრო გამოჩნდება მექანიზმები, რომლებიც აჩვენებს, რომ საქართველოში გარკვეული კუთხით ერთიანობა არსებობს.