პრეზიდენტმა საკანონმდებლო ორგანოს ცესკო-ს წევრობის ერთ ვაკანტურ თანამდებობაზე ნინო კიკალიშვილისა და გია გარსევანიშვილის კანდიდატურები რამდენიმე კვირის წინ შესთავაზა, თუმცა დღევანდელ პლენარულ სხდომაზე არც ერთ მათგანს არ დაუჭირეს მხარი.
ნინო კიკალიშვილი 2011-2012 წლებში მუშაობდა ამომრჩეველთა სიების დაზუსტების უზრუნველყოფის კომისიაში ადმინისტრაციული განყოფილების უფროსად. 2011 წლიდან კი არის ააიპ “დემოკრატიის ქსელის” გამგეობის თავმჯდომარე. გია გარსევანიშვილი კი 2010 წლის 2 მარტიდან დღემდე არის აჭარის უმაღლესი საარჩევნო კომისიის თავმჯდომარის მოადგილე. საქართველოს პრეზიდენტმა აღნიშნული ვაკანტური თანამდებობის დასაკავებლად პარლამენტს კანდიდატურები ორჯერ წარუდგინა, თუმცა დეპუტატების უმრავლესობამ მხარი არც ერთ მათგანს არ დაუჭირა.
