“ეს კადრები სხვა კამერით არის გადაღებული. მანქანის გაჩერებიდან, რამდენიმე წუთში მივდივართ ჩვენ. რაც ნიშნავს, რამდენიმე წამში, ვინ იღებდა? მე მასალის მთლანობაში არ ვარ დარწმუნებული. მე იარაღი ნანახი არ მაქვს. არც ერთი და არც მეორე, იმის გარდა, რაც შემდეგ გადავიღეთ. რაც საბარგულზე ელაგა. მე ეს არ მინახავს, რაც კადრებშია გავრცელებული” – აცხადებს გოჩა მუკბანიანი.
ტელეკომპანია “მაესტროს” ცნობით, მან ჩვენება სამართალდამცავ ორგანოებსაც მისცა. მისი თქმით, შემთხვევის ადგილზე გადაღებული კადრები გურამ დონაძემ და პატრულის ხელმძღვანელის მოვალობის შემსრულებელმა ზურაბ მიქაძემ წაუშალეს.
