ცნობილია, რომ მთავრობის შემადგენლობასა და სამთავრობო პროგრამას – “ძლიერი, დემოკრატიული, ერთიანი საქართველოსთვის” საპარლამენტო უმცირესობა, ყოფილი მმართველი პარტიის წარმომადგენლები მხარს არ დაუჭერენ.

საქართველოს პარლამენტმა დღეს უნდა დაამტკიცოს ახალი პრემიერ-მინისტრი და ამ პოსტზე არჩევნებში გამარჯვებული კოალიცია “ქართული ოცნების” ლიდერი ბიძინა ივანიშვილია წარდგენილი.

დღესვე პარლამენტმა კენჭი უნდა უყაროს ახალ მინისტრთა კაბინეტს შემდეგი შემადგენლობით:

თავდაცვის მინისტრი – ირაკლი ალასანია;

შინაგან საქმეთა მინისტრი – ირაკლი ღარიბაშვილი;

იუსტიციის მინისტრი – თეა წულუკიანი;

სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში – ალექსი პეტრიაშვილი;

რეინტეგრაციის საკითხებში სახელმწიფო მინისტრი – პაატა ზაქარეიშვილი;

დიასპორის საკითხებში სახელმწიფო მინისტრი – კოტე სურგულაძე;

განათლებისა და მეცნიერების მინისტრი – გიორგი მარგველაშვილი;

გარემოს დაცვის მინისტრი – ხათუნა გოგალაძე;

ეკონომიკისა და მდგრადი განვითარების მინისტრი – გიორგი კვირიკაშვილი;

ენერგეტიკისა და ბუნებრივი რესურსების მინისტრი – კახა კალაძე;

კულტურის და ძეგლთა დაცვის მინისტრი – გურამ ოდიშარია;

ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა მინისტრი – დავით დარახველიძე;

საგარეო საქმეთა მინისტრი – მაია ფანჯიკიძე;

სოფლის მეურნეობის მინისტრი – დავით კირვალიძე;

ფინანსთა მინისტრი – ნოდარ ხადური;

შრომის, ჯანმრთელობისა და სოციალური დაცვის მინისტრი – დავით სერგენკო;

სასჯელაღსრულების, პრობაციისა და იურიდიული დახმარების საკითხთა მინისტრი – სოზარ სუბარი;

რეგიონული განვითარებისა და ინფრასტრუქტურის მინისტრი – დავით ნარმანია;

სპორტისა და ახალგაზრდობის საქმეთა მინისტრი – ლევან ყიფიანი;

დასაქმების სახელმწიფო მინისტრი – კახა საკანდელიძე.