“ფინანსთა მინისტრობის ერთ–ერთ კანდიდატთან ამჟამად მოლაპარაკებები მიმდინარეობს, ის საზღვარგარეთაა, თუმცა სახელის და გვარის დასახელებისგან თავს შევიკავებ”, – განაცხადა სოზარ სუბარმა.

მინისტრთა კაბინეტი კოალიცია “ქართული ოცნების” ლიდერმა, ბიძინა ივანიშვილმა გუშინ, 8 ოქტომბერს წარადგინა, თუმცა რამდენიმე მინისტრი ჯერ არჩეული არ არის.

ფინანსთა მინისტრის პოსტის გარდა კვლავ ვაკანტურია: გარემოს დაცვის მინისტრის, ეკონომიკის მინისტრის, ენერგეტიკის მინისტრის,  განათლების მინისტრის და საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის თანამდებობები. მათ უახლოეს დღეებში დაასახელებენ.