ფოტოგრაფების საქმეზე ბრალდებულ კონტრდაზვერვის ყოფილ თნამშრომელს, დავით დევნოზაშვილს თბილისის საქალაქო სასამართლომ აღკვეთის ღონისძიების სახით პატიმრობა შეუფარდა.

მომდევნო სხდომა მოსამართლემ 25 იანვარს დანიშნა.

სასამართლო პროცესზე დევნოზაშვილმა განაცხადა, რომ მისთვის წინასწარი პატიმრობა არ უნდა მიესაჯათ, რადგან თანამშრომლობდა გამოძიებასთან და მოწმეებზე ზეწოლის მოხდნას არ აპრებდა. ასევე, განაცხადა, რომ საეროდ არ იცნობდა გლდანის სასჯელაღსრულების დაწესებულების ყოფილ დირექტორს, ალექსანდრე მუხაძეს, რომელიც ამავე საქმეზეა ბრალდებული.

დევნოზაშვილს ბრალი სისხლის სამართლის კოდექსის 331-ე მუხლის 3-ე ნაწილით აქვს წარდგენილი (სამსახურებრივი უფლებამოსილების გადამეტება).

6 დეკემბერს პროკურატურამ განაცხადა, რომ 2011 წელს ოთხი ფოტორეპორტიორის დაკავების რეალური მიზეზი არა ჯაშუშობა, არამედ ამავე წლის 26 მაისის ხელისუფლების სანააღმდეგოდ გამართული აქციის დარბევის ფოტოების გავრცელება გახდა. პროკურატურის მიერ “ძალადობით და დაზარალებულის პირადი ღირსების შეურაცხყოფით განხორციელებული სამსახურებრივი მდგომარეობის გადამეტების  ფაქტზე  დაკავებულ იქნა  საქართველოს შსს კონტრდაზვერვის დეპარტამენტის ქ.თბილისის ტერიტორიული სამმართველოს უფროსის ყოფილი მოადგილე დავით დევნოზაშვილი, ხოლო სასჯელაღსრულების დაწესებულების N8 საპყრობილის ყოფილი დირექტორის ალექსანდრე მუხაძის მიმართ გამოტანილ იქნა დადგენილება მისი ბრალდების შესახებ”.