კოლუმბიაში ბრაზილიური თვითმფრინავის ჩამოვარდნის შედეგად დაღუპული ფეხბურთელებისა და სხვა მგზავრების ცხედრები მშობლიურ ქალაქში გადაასვენეს. 3 ნოემბერს ბრაზილიის ქალაქ შაბეკოში, დაკრძალვის ცერემონიაზე, რომელიც გუნდის საფეხბურთო მოედანზე გაიმართება, 100 000-მდე გულშემატკივარს ელოდებიან .
თვითმფრინავი, რომლის მგზავრებს შორის ერთ-ერთი ბრაზილიური საფეხბურთო კლუბის ფეხბურთელები იყვნენ, 29 ნოემბრის დილას კოლუმბიის ქალაქ მედელინთან ჩამოვარდა. BBC-ის მონაცემებით, ბორტზე 81 ადამიანი იმყოფებოდა, – 72 მგზავრი და ეკიპაჟის 9 წევრი, საბოლოო მონაცემებით, მათგან 5 ადამიანი გადარჩა.
“შაბეკოენსეს” კლუბის ფეხბურთელები სამხრეთ ამერიკის საკლუბო თასის ფინალური თამაშისათვის მიემგზავრებოდნენ. როგორც ვარაუდობენ, ავიაკატასტროფა თვიმფრინავის ძრავის გაუმართაობამ გამოიწვია.
