დღეს, 3 აგვისტოს, რუსთავში საქართველოს პრემიერ-მინისტრმა გიორგი კვირიკაშვილმა ქართული ოცნების მაჟორიტარი დეპუტატობის კანდიდატები წარადგინა ქვემო ქართლის მასშტაბით.
რუსთავის #29 ოლქში კენჭს იყრის პაატა მხეიძე, სასჯელაღსრულების სამინისტროს საგამოძიებო დეპარტამანტის უფროსის მოადგილე;
რუსთავის #30 ოლქში კენჭს იყრის გიორგი ბეგაძე, ეკონომიკის მაგისტრი, ილიას სახელმწიფო უნივერსიტეტის ტურიზმის მენეჯმენტის ცენტრის დირექტორი
წალკასა და დმანისში – კახა ოქრიაშვილი, რომელიც ამჟამადაც მოქმედი პარლამენტარია და სააფთიაქო ქსელ PSP-ს დამფუძნებელია;
ბოლნისში – გოგა მეშველიანი, ეკონომისტი, ბოლნისის მუნიციპალიტეტის გამგებელი;
გარდაბანში – სავალან მირზოევი, გარდაბნის გამგეობის ადმინისტრაციის უფროსი იყო რეინტეგრაციის საკითხებში, სახელმწიფო მინისტრის წარმომადგენელი იყო ქვემო ქართლში, ახლა კი პრემიერ-მინისტრის თანაშემწეა ეროვნული უმცირესობების საკითხებში.
თეთრიწყაროს მაჟორიტარობის კანდიდატად ოცნებამ წარადგინა გოდერძი ჩანქსელიანი, რომელიც იყო ორგანიზებულ დანაშაულთან ბრძოლის სამმართველოს განყოფილების უფროსი;
მარნეულის #35 ოლქში წარდგენილია რუსლან გაჯიევის კანდიდატურა, მარნეულის რაიონის საგანმანათლებლო რესურს-ცენტრის ხელმძღვანელი;
მარნეულის #36 ოლქში – თამაზ ნავერიანის კანდიდატურაა წარდგენილი, მარნეულის კომპლექსური სპორტსკოლის დირექტორია, იყო ძიუდოს ფედერაციის ვიცე პრეზიდენტი.