თურქულ სახელმწიფო საინფორმაციო სააგენტო “ანადოლუზე” დაყრდნობით, AP ავრცელებს ინფორმაციას, რომ თურქეთის განათლების მინისტრმა სახელმწიფო გადატრიალების მცდელობაში შესაძლო მონაწილეობის ბრალდებით სამსახურიდან 15,200 ადამიანი დაითხოვა. როგორც მინისტრი აცხადებს, მათ წინააღმდეგ დაწყებულია გამოძიება.
ასევე, საინფორმაციო სააგენტო AFP-ის ცნობით, თურქეთის უმაღლესი განათლების საბჭომ სახელმწიფო უმაღლესის სასწავლებლების რექტორების გადადგომა მოითხოვა.
#BREAKING Turkey demands resignation of all public university deans: state-run media
— AFP news agency (@AFP) July 19, 2016
თურქეთის ხელისუფლება სამხედრო გადატრიალების მოწყობის მცდელობაში ყოფილ იმამს, ამჟამად აშშ-ში მცხოვრებ ფეტულა გულენს სდებს ბრალს. მთავრობამ გულენთან კავშირში მყოფი 2700-მდე მოსამართლე და პროკურორი უკვე გაათავისუფლა თანამდებობებიდან. ასევე დაკავებულია 6000 სამხედრო პირი.