ვაშაძის ახალი პარტიის “ახალი საქართველოს” მხარდამჭერების მსვლელობა თბილისში [ფოტო]

დღეს თბილისში, რუსთაველის გამზირზე, ყოფილი პარლამენტის შენობის წინ გიორგი ვაშაძის ახალი პოლიტიკური პარტიის “ახალი საქართველოს” დაფუძნებისთვის ღონისძიება გაიმართება. პარტიის მხარდამჭერები რამდენიმე წუთით ადრე თბილისის სხვადასხვა ადგილზე შეიკრიბნენ, საიდანაც მსვლელობით მიდიან ყოფილი პარლამენტის შენობამდე.

მსვლელობა ცოტა ხნით შეფერხდა თბილისში მოსული ძლიერი სეტყვისა და წვიმის გამო, თუმცა პარტიის დამფუძნებელი ღონისძიება მაინც გაიმართება.

ვაშაძემ “ერთიანი ნაციონალური მოძრაობა” რამდენიმე კვირის წინ დატოვა. მისი თქმით, ამ პარტიას მართავს კულუარულად და კაბინეტურად რამდენიმე ადამიანი და მათ შორის დაასახელა გიგა ბოკერია, მიხეილ მაჭავარიანი, გოკა გაბაშვილი, დავით ბაქრაძე. ვაშაძე დღეს აფუძნებს სამოქალაქო პლატფორმას “ახალი საქართველო”. ის თავის ახალ გუნდთან ერთად აპირებს პოლიტიკურ პროცესებში მონაწილეობას.