სტუდიაში იმყოფება თამარ რუხაძე, “მაესტროს” საინფორმაციო სამსახური ხელმძღვანელი, რომელმაც “ნეტგაზეთს” ამ წუთისთვის ტელევიზიაში არსებული ვითარება აღუწერა:
“სტუდიაში და საეთეროში შემოსასვლელი კარი არის დაკეტილი. დაკეტილი არის იმიტომ, რომ გარეთ ისევ არიან უცნობი ადამიანები და ნებისმიერი თანამშრომლისთვის რომ გაიღოს ეს კარი, გაიღება ყველასთვის. ამიტომ ეს კარი შიგნიდან არის დაკეტილი და ეროსი კიწმარიშვილი აქ ვერავის ვერ შემოუშვებს, რადგან ისიც გარეთ არის”.
თამარ რუხაძე ამბობს, რომ მაშინ შეძლო შენობაში შეღწევა, როცა ჟურნალისტების ჯგუფი შევიდა და კიწმარიშვილს განცხადება უნდა გაეკეთებინა. თუმცა ამბობს, რომ არ უნახავს და არ უსაუბრია ეროსი კიწმარიშვილთან. მისი ინფორმაციით, სტუდიაში იმყოფება მამუკა ღლონტიც.
“მაესტროს” შენობის გარეთ, ნუცუბიძის ქუჩაზე, ამჟამად 50– მდე ადამიანია შეკრებილი – ჟურნალისტები, პოლიციელები და ოპოზიციური პარტიის წარმომადგენლები”. შენობის ეზოში კი იმყოფებიან: ეროსი კიწმარიშვილი თანმხლებ პირებთან ერთად და რამდენიმე ჟურნალისტი.
