ნეტგაზეთი | კორცხელის საქმეზე ჯერჯერობით არავინ დაუკავებიათ კორცხელის საქმეზე ჯერჯერობით არავინ დაუკავებიათ – Netgazeti
Batumelebi | RU

კორცხელის საქმეზე ჯერჯერობით არავინ დაუკავებიათ

შინაგან საქმეთა სამინისტროში აცხადებენ, რომ სოფელ კორცხელში მომხდარ ინციდენტთან დაკავშირებით გამოძიება გრძელდება, თუმცა კითხვას, არიან თუ არა მომხდარის გამო დაკავებულები, დადებითად არ პასუხობენ:

“ამ საქმეზე დანიშულია შესაბამისი ექსპერტიზები, იკითხება  მოწმები და გამოძიება მიმდინარეობს 125-ე მუხლით”, – გვითხრეს შსს-ში. კითხვას, რა სახის ექსპერტიზაა დანიშნული, უწყებაში ასე პასუხობენ:

“მიმდინარეობს გამოძიება. კონკრეტულად მეტს ვერ გეტყვით”.

სამეგრელოში, სოფელ კორცხელის 53-ე საარჩევნო უბანთან შეკრებილმა პირებმა პარტია ნაციონალური მოძრაობის ლიდერებს: ნიკა მელიას, გიგა ბოკერიასა და კიდევ რამდენიმე წევრს ფიზიკური შეუარაცხყოფა მიაყენეს.

შსს ინფორმაციით, ფაქტზე გამოძიება სსსკ-ის 125-ე მუხლით დაიწყო, რაც გულისხმობს ცემას ან სხვაგვარ ძალადობას, რამაც დაზარალებულის ფიზიკური ტკივილი გამოიწვია, მაგრამ არ მოჰყოლია ჯანმრთელობის განზრახ მსუბუქი დაზიანება.

 

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com