ახალი ამბები

ვოლსკი თავდაცვის სამინისტროს მაღალჩინოსნებზე: სამართლებრივად ვერ შევაფასებ

16 მაისი, 2016 • 1106
ვოლსკი თავდაცვის სამინისტროს მაღალჩინოსნებზე: სამართლებრივად ვერ შევაფასებ

“ადამიანების დაპატიმრების გადაწყვეტილებას ემოციურად, რასაკვირველია, განვიცდი, მაგრამ სამართლებრივად ნამდვილად ვერ შევაფასებ,” – ეს განცხადება “ქართული ოცნების” საპარლამენტო ფრაქციის ლიდერმა, გია ვოლსკიმ თავდაცვის სამინისტროს მაღალჩინოსნებისთვის პატიმრობის მისჯის საკითხის კომენტირებისას გააკეთა.

მისივე თქმით, არსებობს გასაჩივრების სამართლებრივი გზები:

“საკმაოდ დიდი ინფორმაციაა გამოსული, თუ რაში ედებათ ბრალი, და არსებობს გასაჩივრების სამართლებრივი გზები,”- აღნიშნა ვოსლკიმ.

სახელმწიფოს კუთვნილი 4 მილიონ ლარზე მეტის გაფლანგვაში ბრადებულ თავდაცვის სამინისტროს მაღალჩინოსნებს თბილისის საქალაქო სასამართლოს მოსამართლე ბესიკ ბუგიანიშვილმა 16 მაისს  7-7 წლით თავისუფლების  აღკვეთა მიუსაჯა. მოსამართლემ მათ პატიმრობის ვადის მოხდის შემდეგ  2 წლის ვადით საჯარო სამსახურში თანამდებობის დაკავების უფლება ჩამოართვა.

ადვოკატი აცხადებს, რომ საქალაქო სასამართლოს გადაწყვეტილება გასაჩივრდება და მოსამართლეს “ბრძანების შესრულებაში” ადანაშაულებს.

მასალების გადაბეჭდვის წესი