ახალი ამბები

მაკა ასათიანის და გია გაჩეჩილაძის ერთობლივი განცხადება

21 მარტი, 2016 • 1222
მაკა ასათიანის და გია  გაჩეჩილაძის ერთობლივი განცხადება

მაესტროს დამფუძნებლებს შორის შეთანხმება მიღწეულია. ამის შესახებ მაკა ასათიანის და გია გაჩეჩილაძის  ერთობლივ განცხადებაშია აღნიშნული:

“მიუხედავად რამდენიმეთვიანი დაპირისპირებისა, “მაესტროს” დამფუძნებლები შევთანხმდით შემდეგ საკითხებზე:

1. ლოგო და სახელი დაუბრუნდეს ეთერს.

2. მხარეებმა შეწყვიტონ საჯარო განცხადებების გაკეთება.

3. მოლაპარაკების პერიოდში ვიწყებთ კონსულტაციას ტოპ მენეჯმენტის ერთობლივად ფორმირებაზე.

4. უმოკლეს ვადაში მოხდეს მიმდინარე ფინანსური ვალდებულებების უზრუნველყოფა.

5. მოლაპარაკების პერიოდში დროებით ადმინისტრატორებად დაინიშნოს ორივე მხარის წარმომადგენელი, ყოფილი ფინანსური დირექტორი- თემურ გაჩეჩილაძე და გია გაჩეჩილაძის ფინანსური კონსულტანტი- ზვიად ზუბიაშვილი

იმედს ვიტოვებთ, რომ აღნიშნული მოლაპარაკება ჩიხში არ შევა და ყველა  მხარე გამოიჩენს სურვილს და კეთილგონიერებას იმასთან დაკავშირებით, რომ დავას არ გადაჰყვეს ტელევიზია და, რაც მთავარია, თანამშრომლები, რომლებიც უზრუნველყოფენ უწვეტ მაუწყებლობას,” – ნათქვამია განცხადებაში.

 

მასალების გადაბეჭდვის წესი