უკრაინის დედაქალაქ კიევსა და ქვეყნის სხვა ქალაქებში აფეთქებების ხმა ისმის. ცოტა ხნის წინ CNN-მა უკრაინის თავდაცვის სამინისტროზე დაყრდნობით გამოაცხადა, რომ აფეთქება კიევის შემოგარენში იყო სარაკეტო თავდასხმა.
კიევის შემოგარენში აფეთქებების შესახებ მოქალაქეები ტვიტერზეც წერენ.
Two booms heard from my apartment on Khreshatyk, Kyiv in the past 3 minutes
— Neil Hauer (@NeilPHauer) February 24, 2022
თვითმხილველები და ჟურნალისტები აფეთქებების შესახებ იტყობიანებიან რუსეთის მოსაზღვრე ქალაქ ხარკოვსა და სხვა ქალაქებში.
აფეთქება უკრაინის ქალაქ დნეპრში:
Кажуть що це у Дніпрі… pic.twitter.com/BeSPjKkmYj
— Лаур:Балаур (@Luckyman_1108) February 24, 2022
უკრაინელი ჟურნალისტი იური ბუტუსოვი, რომელსაც არაერთი მედიასაშუალება ეყრდნობა, წერს, რომ რუსეთმა სარაკეტო იერიშები მიიტანა უკრაინაში ავიაბაზებზე, მართვის სისტემებზე და სხვადასხვა ასამხედრო ობიექტზე. უკრაინელი სამხედროები ცდილობენ იერიშის მოგერიებას.
The skyline in Ukraine right now pic.twitter.com/VYgtsW3mEl
— Benny (@bennyjohnson) February 24, 2022
უკრაინაზე სრულმასშტაბიან შეტევას ადასტურებს უკრაინის საგარეო საქმეთა მინისტრი დმიტრი კულება.
„პუტინმა დაიწყო უკრაინაზე სრულმასშტაბიანი შეტევა. გრძელდება თავდასხმები უკრაინის მშვიდობიან ქალაქებზე. ეს არის აგრესიული ომი. უკრაინა დაიცავს საკუთარ თავს და გაიმარჯვებს. მსოფლიოს შეუძლია და უნდა შეაჩეროს პუტინი. მოქმედების დროა ახლა“, — წერს ტვიტერზე უკრაინის საგარეო საქმეთა მინისტრი.
პუტინმა უკრაინაში „სამხედრო ოპერაციის“ შესახებ 24 თებერვალს, გამთენიისას განაცხადა, რის შემდეგაც მალევე დაიწყო შეტევა უკრაინის ქალაქებზე.