ნეტგაზეთი | მოშიმშილე პატიმრებს სახალხო დამცველის წარმომადგენლები მოინახულებენ მოშიმშილე პატიმრებს სახალხო დამცველის წარმომადგენლები მოინახულებენ – Netgazeti

მოშიმშილე პატიმრებს სახალხო დამცველის წარმომადგენლები მოინახულებენ

მელორ ვაჩნაძესა და ვახტანგ მაისაიას სახალხო დამცველის აპარატის წარმომადგენლები ამ დღეებში მოინახულებენ. როგორც აპარატის საზოგადოებასთან ურთიერთობის სამსახურის უფროსი, ნინო ერემაშვილი ამბობს, მათ განცხადებით მიმართეს სახალხო დამცველი ოფისს, რომ 17 აგვისტოს შიმშილობის დაწყებას აპირებდნენ.

მელორ ვაჩნაძესა და ვახტანგ მაისაიას სახალხო დამცველის აპარატის წარმომადგენლები ამ დღეებში მოინახულებენ. როგორც აპარატის საზოგადოებასთან ურთიერთობის სამსახურის უფროსი, ნინო ერემაშვილი ამბობს, მათ განცხადებით მიმართეს სახალხო დამცველი ოფისს, რომ 17 აგვისტოს შიმშილობის დაწყებას აპირებდნენ.

ნინო ერემაშვილმა ,,ნეტგაზეთთან” საუბარში განაცხადა, რომ სახალხო დამცველის აპარატის მონიტორინგის ჯგუფი ამჟამად დასავლეთ საქართველოს სასჯელაღსრულების დაწესებულებებში იმყოფება, ამიტომ მოშიმშილე პატიმრების მდგომარეობაზე ჯერჯერობით არანაირ ინფორმაციას არ ფლობენ. ერემაშვილის თქმით, მონიტორინგის ჯგუფი მათ დაბრუნებისთანავე მოინახულებს.

ოპოზიციური მოძრაობა ,,შემოგვიერთდი”-ს ხელმძღვანელმა, მელორ ვაჩნაძემ ორთვიანი შიმშილობა 17 აგვისტოს დაიწყო, – ამის შესახებ მოძრაობა ,,არა”-ს ხელმძღვანელმა ლევან ჩიტაძემ გლდანის #8 საპყრობილესთან იმავე დღეს გამართულ ბრიფინგზე განაცხადა. ვაჩნაძის შიმშილობის მიზეზად მან ე.წ. ,,პოლიტპატიმრების” გათავისუფლება დაასახელა.

ბრიფინგზე მოძრაობა ,,თავისუფლება უკანონო პატიმრების” წევრმა, ზურაბ დიასამიძემ აღნიშნა, რომ შიმშილობის აქციას ვახტანგ მაისაიაც შეუერთდა.

მელორ ვაჩნაძე ოპოზიციის მიერ გასული წლის აპრილში გამართული საპროტესტო აქციების დროს დააკავეს. მას ბრალი თაღლითობაში დაედო და 4–წლიანი პატიმრობა მიესაჯა.

სამხედრო ექსპერტი და ყოფილი დიპლომატი ვახტანგ მაისაია კი თბილისის საქალაქო სასამართლომ 2009 წლის მაისში დააკავა, რუსეთის ჯაშუშობაში დაადანაშაულა და 20-წლიანი პატიმრობა მიუსაჯა.

ნეტგაზეთის მასალების სხვა გამოცემებში გადაბეჭდვის წესი
ლიკა გიგინეიშვილი