ელიტ-ელექტრონიქსის მენეჯმენტი ახალ კომპანიებს აყალიბებს. ამის შესახებ კომპანიის დამფუძნებელმა ანზორ ქოქოლაძემ ნეტგაზეთს განუცხადა.
მას შემდეგ, რაც ტიბისი ბანკმა არსებული მენეჯმენტი დაითხოვა და კომპანიის მართვა კრედიტორთა მენეჯმენტს გადააბარა, ელიტ-ელექტრონიქსი ათეულობით ადამიანმა დატოვა.
ანზორ ქოქოლაძის თქმით, ეს ის ძირითადი ბირთვია, რომელმაც ელიტ-ელექტრონიქსი შექმნა.
დღეს კი ელიტ-ელექრონიქსის ყოფილი მმართველი გუნდი კომპანიებს რამდენიმე მიმართულებით აყალიბეს:აუდიტი, აიტი და ფინანსური მომსახურება- ეს ის სფეროებია, სადაც გუნდი იმუშავებს.
ქოქოლაძე ამბობს, რომ მოლაპარაკებები შეკვეთებზე მათ უკვე აქვთ.
თუმცა ეს სიახლე არ ნიშნავს, რომ ბრძოლა ელიტ-ელექტრონიქსისთვის დასრულდა.
ქოქოლაძე ამბობს, რომ სასამართლოს იმედი აქვს. სარჩელი შეტანილია საქალაქო სასამართლოში.
შეგახსენებთ, რომ ”კომპანიის არასწორად მართვის” მოტივით ტიბისი ბანკმა ელიტ-ელექრონიქსის დამფუძნებელს მენეჯმენტი დაატოვებინა. მიზეზი კი ის დავალიანებაა, რომელიც ელიტ-ელექტრონიქსს ბანკისგან კრედიტის სახით ჰქონდა აღებული.