თვითმკვლელობის მცდელობა გალაკტიონის ხიდიდან

გუშინ, გვიან ღამით, 45 წლის მამაკაცმა თვითმკვლელობა სცადა. იგი გალაკტიონ ტაბიძის ხიდიდან მტკვარში გადახტა. მეთევზეებმა, რომლებიც ხიდის მიმდებარედ თევზაობდნენ, საპატრულო პოლიციას გამოუძახეს. ადგილზე მისულმა ქალაქ თბილისის სამაშველო სამსახურმა თვითმკვლელის მდინარიდან ამოყვანა მალევე შეძლო. 45 წლის მამაკაცი ნასვამი აღმოჩნდა. ნოდარ ჭუმბაძე, თბილისის სამაშველო სამსახურის უფროსი: ”ადგილზე მოსვლის დროს აღმოჩნდა 45 წლის მამაკაცი… ამოვიყვანეთ მდინარე მტკვრიდან. იყო ნასვამ მდგომარებაში და თვითმკვლელობა სურდა. გადაყვანილია სასწრაფო სამედიცინო დახმარების მიერ.” მამაკაცს სასწრაფო სამედიცინო სამსახურის ბრიგადამ პირველადი სამედიცინო დახმარება ადგილზე გაუწია და შემდეგ საავადმყოფოში გადაიყვანა. თვითმკვლელობის მცდელობის მიზეზი ჯერჯერობით უცნობია. მომხდარზე მიმდინარეობს გამოძიება.