თბილისში, სპორტის სასახლეში 14 მაისს “ქართული ოცნების” მეოთხე ყრილობა გაიმართა, რომელზეც პარტიის თავმჯდომარედ გიორგი კვირიკაშვილი აირჩიეს, ასევე დაამტკიცეს პოლიტსაბჭოს განახლებული შემადგენლობა.
ყრილობას დაესწრნენ ყოფილი პრემიერ-მინისტრებიც, ბიძინა ივანიშვილი და ირაკლი ღარიბაშვილი. ისინი ყრილობაზე გიორგი კვირიკაშვილის გვერდით ისხდნენ. ირაკლი ღარიბაშვილმა განაცხადა, რომ 2016 წლის საპარლამენტო არჩევნებზე “ქართული ოცნების” სიაში არ იქნება. ბიძინა ივანიშვილმა კი აღნიშნა, რომ გეგმავს გამოაქვეყნოს მორიგი ღია წერილი, სადაც ახსნის, “რას აპირებს და როგორ აპირებს”.
ყრილობას არ ესწრებოდა პარლამენტის თავმჯდომარე დავით უსუფაშვილი. როგორც ჟურნალისტებთან ვიცე-სპიკერმა მანანა კობახძემ განმარტა, უსუფაშვილი მოწვეული იყო, თუმცა, მას “საქმე გამოჩუნდა” და სავარაუდოდ ბათუმში იმყოფება. ყრილობას არ დაესწრო “ქართული ოცნების” წევრი თამაზ მეჭიაურიც.
პარლამენტში “ქართული ოცნების” წევრები ყრილობაზე დასასწრებად ქუთაისიდან დღეს ჩამოვიდა. 14 მაისს დილით მათ პლენარულ სხდომაზე მესამე მოსმენით მიიღეს “საკონსტიტუციო სასამართლოს შესახებ” კანონი, რომელსაც მხარს არ უჭერენ როგორც ნაციონალური მოძრაობა, ასევე რესპუბლიკელები.
ქართული ოცნების ყრილობას ბიძინა ივანიშვილიც დაესწრო. ფოტო: ნეტგაზეთი/მარიამ ბოგვერაძე 14.05.2016
სანამ დელეგატები და მოწვეული სტუმრები სპორტის სასახლეში იკრიბებოდნენ, ოცამდე ადამიანმა, როლებიც თავის “ცენტრ-პოინტისგან” დაზარალებულად მიიჩნევენ, საპროტესტო აქცია გამართეს. ისინი ხელისუფლებას კომპანიის მფარველობაში ადანაშაულებდნენ.
ქართული ოცნების მხარდამჭერება სრულად შეავსეს სპორტის სასახლე. გარდა დელეგატებისა და პოლიტიკოსებისა, ყრილობას საზოგადოებისთვის ცნობილი სახეებიც დაესწრნენ.
ლევან გაჩეჩილაძე სპორტის სასახლეში ქართული ოცნების ყრილობაზე დასასწრებად მივიდა. ფოტო: ნეტგაზეთი/ქეთი მაჭავარიანი 14.05.2016დიზაინერი და მოდეlი სალომე სალომე ღვინიაშვილი და ფეხბურთელი ზურაბ ხიზანიშვილი (უკან). ფოტო: ნეტგაზეთი/ქეთი მაჭავარიანი. 14.05.2016ჯანსუღ ჩარკვიანი და თაკო ჩარკვიანი. ფოტო: ნეტგაზეთი/ქეთი მაჭავარიანი. 14.05.2016სალომე ზურაბიშვილი “ქართული ოცნების” ყრილობაზე. ფოტო: ნეტგაზეთი/ქეთი მაჭავარიანი. 14.05.2016მსახიობი ბესო ზანგური. ფოტო: ნეტგაზეთი/ქეთი მაჭავარიანი. 14.05.2016ძმები არველაძეები. ფოტო: ნეტგაზეთი/ქეთი მაჭავარიანი. 14.05.2016ლალი ბადურაშვილი ქართული ოცნების ყრილობაზე ფოტო: ნეტგაზეთი/ქეთი მაჭავარიანი. 14.05.2016ქართული ოცნების მხარდამჭერები გიორგი კვირიკაშვილის გამოსვლას უსმენენ. ფოტო: ნეტგაზეთი/ქეთი მაჭავარიანი. 14.05.2016შინაგან საქმეთა მინისტრის მოადგილე არჩილ თალაკვაძე ყრილობაზე. ფოტო: ნეტგაზეთი/ქეთი მაჭავარიანი. 14.05.2016ქეთი ციხელაშვილი, სახელმწიფო მინისტრის პირველი მოადგილე შერიგებისა და სამოქალაქო თანასწორობის საკითხებში ქართული ოცნების ყრილობაზე. ფოტო: ნეტგაზეთი/ქეთი მაჭავარიანი. 14.05.2016სოზარ სუბარი ქართული ოცნების ყრილობაზე. ფოტო: ნეტგაზეთი/მარიამ ბოგვერაძე. 14.05.2016ქართული ოცნების მეოთხე ყრილობის დახურვა. ფოტო: ნეტგაზეთი/მარიამ ბოგვერაძე 14.05.2016ირაკლი ღარიბაშვილმა ყრილობის დასრულების შემდეგ სამომავლო გეგმებთან დაკავშირებით ჟურნალისტების კითხვას უპასუხა. ფოტო: ნეტგაზეთი/ქეთი მაჭავარიანი. 14.05.2016პრემიერი გიორგი კვირიკაშვილი ყრილობის დასრულების შემდეგ სტუმრებს ესალმება. ფოტო: ნეტგაზეთი/ქეთი მაჭავარიანი. 14.05.2016
