პარტია “ქართული ოცნების” ყრილობაზე ერთხმად დაამტკიცეს პარტიის პოლიტიკური საბჭოს შემადგენლობა. ძველ წევრებთან ერთად პარტიის ახლად არჩეულმა თავმჯდომარემ გიორგი კვირიკაშვილმა დელეგატებს პოლიტსაბჭოს ახალი შემადგენლობა წარუდგინა.
ამჟამინდელი პოლიტიკური საბჭოს წევრები არიან:
- კახა კალაძე -პარტიის გენერალური მდივანი
- გიორგი ვოლსკი – დეპუტატი
- მანანა კობახიძე- დეპუტატი
- ეკა ბესელია – დეპუტატი
- ირაკლი სესიაშვილი-დეპუტატი
- ირაკლი ტრიპოლსკი
- თემურ ჭკუასელი
- დავით საგანელიძე – თანაინვესტირების ფონდის ხელმძღვანელი;
- ნოდარ ხადური – ფინანსთა მინისტრი;
- ზვიად კვაჭანტირაძე-დეპუტატი;
- გედევან ფოფხაძე-დეპუტატი;
- ირაკლი კობახიძე- [პოლიტიკური საბჭოს ახალი წევრი]პარტიის აღმასრულებელი მდივანი ;
- დავით ბაქარაძე – [პოლიტიკური საბჭოს ახალი წევრი] ევროინტეგრაციის მინისტრი;
- დავით კოღუაშვილი – სამართლის მაგისტრის მფლობელი [აშშ], აშშ-ს ხაზინის მრჩეველი საბაჟო რეფორმების საკითხებში, საქართველოს პარლამენტის ყოფილი წევრი;
- მამუკა მდინარაძე- იურისტი, სამართლის დოქტორი, “ადვოკატთა ალიანსის” თავმჯდომარე;
- ირინე ფრუიძე – სოციალურ და პოლიტიკურ მეცნიერებათა მაგისტრი, “ახალი მემარჯვენეების” ყოფილი წევრი, ინტელექტუალურ თამაშ “რა, სად, როდის” წევრი;
- რომან კაკულია – ევროკავშირის პროგრამების დეპარტამენტის უფროსი, საერთაშორისო ურთიერთობების სპეციალისტი;
- სოფიო კილაძე – შსს-ს აკადემიის პრორექტორი, საერთაშორისო საჯარო სამართლის სპეცოალისტი;
- აკაკი ზოიძე – კოლუმბიის უნივერსიტეტის კურსდამთავრებული, ჯანმრთელობის მსოფლიო ჯანდაცვის ორგანიზაციის მკვლევარი;
- ზვიად გონაძე – საგარეო საქმეთა მინისტრის მოადგილე.
ქართული ოცნების ყრილობაზე 14 მაისს პარტიის თავმჯდომარედ გიორგი კვირიკაშვილი, ამჟამინდელი პრემიერ-მინისტრი აირჩიეს.
ყრილობას ესწრებოდნენ ყოფილი პრემიერ-მინისტრები ბიძინა ივანიშვილი და ირაკლი ღარიბაშვილი.
ყრილობა პარტიის გენერალურმა მდივანმა კახა კალაძემ გახსნა და დელეგატებს პარტიის თავმჯდომარეობის კანდიდატი წარუდგინა. მან ასევე მიმოიხილა “ქართული ოცნების” ხელისუფლების საქმიანობა 4 წლის განმავლობაში. ამის შემდეგ დელეგატებს ახლად არჩეულმა თავმჯდომარემ მიმართა და პოლიტიკური საბჭოს შემადგენლობის დამტკიცების შემდეგ ყრილობა დასრულდა.
