დღეს, 6 ივნისს, გამართულ საქართველოს ეროვნული ბანკის სავალუტო აუქციონზე სებ-მა 10 000 000 აშშ დოლარი შეისყიდა. ინფორმაციას ამის შესახებ საქართველოს ეროვნული ბანკი ავრცელებს.
გასულ კვირას ლარმა დოლართან გაუფასურების რეკორდულ მაჩვენებელს მიაღწია. 30 მაისს საქართველოს ეროვნული ბანკის ოფიციალური კურსით 1 აშშ დოლარის ღირებულებამ 2.80 ლარს გადააჭარბა და 2.8023 ლარი შეადგინა.
რამდენიმედღიანი გაუფასურების შემდეგ 31 მაისიდან ლარმა დოლართან მიმართებით გამყარება დაიწყო.
ამჟამად, ეროვნული ბანკის ოფიციალური კურსით, 1 აშშ დოლარის ღირებულება 2.74 ლარია.
