გარემოსდაცვითი ზედამხედველობის დეპარტამენტის ინფორმაციით, ხე-ტყის უკანონო ტრანსპორტირების ფაქტი გამოვლინდა. დეპარტამენტის ცნობით, ბოლნისის მუნიციპალიტეტში მოქალაქეს მანქანაში უკანონოდ მოპოვებული 3 კუბურ მეტრამდე წიფლის ხე გადაჰქონდა.
“მძღოლმა ვერ წარმოადგინა შესაბამისი დოკუმენტაცია. შედგა ადმინისტრაციული სამართალდარღვევის ოქმები. ავტომანქანა დაილუქა. საქმის მასალები ბოლნისის რაიონულ სასამართლოს გადაეგზავნება”, – აცხადებენ გარემოსდაცვითი ზედამხედველობის დეპარტამენტში.