სირიაში რუსეთის საბრძოლო თვითმფრინავი ჩამოაგდეს

რუსეთის საბრძოლო თვითმფრინავი Su-25 სირიაში ჩამოაგდეს. BBC წერს, რომ რუსული თვითმფრივანი სირიელი მეამბოხეების კონტროლირებად იდლიბის პროვინციაში ჩამოაგდეს. რუსეთის თავდაცვის მინისტრის განცხადებით, ჩამოვარდნის შემდეგ პილოტი გადარჩა, თუმცა შემდეგ მოკლეს. BBC-ის ინფორმაციით, სოციალურ ქსელში გავრცელებულ ვიდეოში საბრძოლო თვითმფრინავი დაცემისთანავე ფეთქდება. რუსეთის თავდაცვის მინისტრი კი ამბობს, რომ  პილოტმა გაქცევა მოასწრო, შემდეგ კი ტერორისტებთან ბრძოლისას დაიღუპა.

რუსული თვითმფრინავის ჩამოგდება სირიაში/ფოტო: EPA-EFE/ABDALLA SAAD

საბრძოლო თვითმფრინავის ჩამოგდებაზე პასუხისმგებლობა სირიაში მოქმედმა ერთ-ერთმა დაჯგუფებამ “ჰაიატ თაჰრირ ალ-შამამ” აიღო. ეს დაჯგუფება სირიის ამ ნაწილში წლების განმავლობაში სხვადასხვა სახელით მოღვაწეობს. რუსული მხარის განცხადებით, ყველაფერს აკეთებენ გარდაცვლილი სამხედროს ცხედრის მისაღებად.

 

ნეტგაზეთის მასალების სხვა გამოცემებში გადაბეჭდვის წესი


ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.