ავარიის შედეგად მოპედის მძღოლი დაიღუპა

ზუგდიდი-ცაიშის ავტომაგისტრალზე დღეს კიდევ ერთი ავტოავარია მოხდა. შინაგან საქმეთა სამინისტროს ინფორმაციით, აღნიშნულ გზატკეცილზე გაჩერებულ ტრაილერებს მოპედი შეეჯახა, რამაც მოპედის მძღოლის სიკვდილი გამოიწვია. გამოძიება 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

შეგახსენებთ, რომ დღეს ზუგდიდი-ცაიშის ავტომაგისტრალზე ავარიის შედეგად საქართველოს პირველი მოწვევის უზენაესი საბჭოს წევრი, ყოფილი პარლამენტარი და მმართველი პოლიტიკური გუნდის რიგებიდან ზუგდიდის საკრებულოში ახლად არჩეული დეპუტატი, თამაზ ჟორჟოლიანი დაიღუპა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან