"გადავარჩინოთ სიცოცხლე გზებზე!" - თბილისში აქცია გაიმართა [ფოტო] - Netgazeti • საგზაო მოძრაობის უსაფრთხოება • Netgazeti.ge

“გადავარჩინოთ სიცოცხლე გზებზე!” – თბილისში აქცია გაიმართა [ფოტო]

"ქართული ოცნება" კვლავ აპირებს რუსული კანონის მიღებას. ეს კანონპროექტი 2023 წლის მარტში მასობრივი პროტესტის შემდეგ "ოცნებამ" უკან გაიწვია და პირობა დადო, რომ მას აღარასოდეს დაუბრუნდებოდა.
ანალოგიურმა კანონმა რუსეთში გააქრო ყველა დემოკრატიული ინსტიტუტი და გაამყარა პუტინის რეჟიმი.

დღეს, 25 მარტს, საგზაო უსაფრთხოების დაცვის მოთხოვნით თბილისში საპროტესტო აქცია გაიმართა, რომელიც გამოეხმაურა აღმაშენებლის ხეივანში მომხდარ საგზაო შემთხვევას, რის შედეგადაც 11 წლის გოგონა დაიღუპა.

აქციის ორგანიზატორია ორგანიზაცია “საქართველოს ალიანსი უსაფრთხო გზებისთვის”.

აქციაზე, რომელიც პარლამენტის შენონის წინ გაიმართა, მიიტანეს კუბო იმის სადემონსტრაციოდ, რომ საქართველოს გზებზე ყოველწლიურად 600 ადამიანი იღუპება, 9 000-ზე მეტი ადამიანი კი იღებს სხვადასხვა სიმძიმის ტრავმას.

აქცია თბილისში საგზაო უსაფრთხოების მოთხოვნით. ფოტო: ნეტგაზეთი/მიშა მეფარიშვილი 25.03.2016

აქციის მონაწილეებმა ხელისუფლებას მოუწოდეს, რომ საგზაო უსაფრთხოება ქვეყნისთვის პრიორიტეტული საკითხი გახადონ და აგრესიული მძღოლების მიმართ ნულოვანი ტოლერანტობა გამოცხადეს.