თბილისში მტკვრის მარჯვენა სანაპიროზე შექმნილმა საცობმა ტრანსპორტის მოძრაობის პარალიზება გამოიწვია.
როგორც თბილისის მერიაში აცხადებენ, დღეიდან 4 დღის განმავლობაში მტკვრის მარჯვენა სანაპირო თბილისის მერიის მიერ ინფრასტრუქტურული სამუშაოების გამო გადაიკეტება. მერიის ინფორმაციით, აღნიშნულ მონაკვეთზე გზის გაფართოება მიმდინარეობს:
“მოძრაობის განტვირთვის მიზნით, თბილისის მერიის მიერ მტკვრის მარჯვენა სანაპიროზე მიმდინარე ინფრასტრუქტურული პროექტის განხორციელებისას მარჯვენა სანაპიროზე გარკვეული შეზღუდვები დაწესდება. 10- დან 13 აგვისტოს ჩათვლით შეიზღუდება გადაადგილება მარჯვენა სანაპიროზე, მშრალი ხიდიდან გალაქტიონის ხიდის მიმართულებით, ვინდაიდან ამ მონაკვეთზე გზის გაფართოება მიმდინარეობს. სარტანსპორტო საშუალებებს გადაადგილება შეეძლებათ ზაარბრუკენის მოედნიდან მარცხენა სანაპიროს მიმართულებით”, – ნათქვამია მერიის ოფიციალურ განცხადებაში.
