ყაზახეთის პრეზიდენტის, ნურსულტან ნაზარბაევის განცხადებით, ყაზახეთის ეკონომიკა 2010 წლის ბოლო ცხრა თვის განმავლობაში 7,5 %–ით, ხოლო მრეწველობის წარმოება 10%–ით გაიზარდა.
მისი თქმით, ქვეყნის ეკონომიკა სწრაფი ტემპით ვითარდება. გადამამუშავებელი მრეწველობა იზრდება 20 %–ით, ქიმიური-77%–ით, მანქანათმშენებლობა–56 %–ით; გარდა ამისა, წლის დასაწყისში 200 ათასი ახალი სამუშაო ადგილი შეიქმნა.
”ეკონომიკური მდგომარეობის მკვეთრი გაუმჯობესება არა მარტო ყაზახეთის დედაქალაქში, არამედ ქვეყნის ყველა რეგიონში აღინიშნება, სადაც მოსახლეობის ფულადმა შემოსავლებმა 10%–დან 30 %–მდე იმატა”– განაცხადა ნაზარბაევმა.
მისი თქმით, გვალვის მიუხედავად, ხორბლის მოსავალმა 13,7 ტონა შეადგინა, რის შედეგადაც ქვეყნის ექსპორტულმა პოტენციალმა 7 მილიონ ტონას მიაღწია. ბრინჯის მოსავალი წელს 25 %–ით მეტია, ვიდრე შარშან.
ამ წელს ყაზახეთში 25 სკოლა აშენდა, გაიხსნა 10 უმსხვილესი სამედიცინო დაწესებულება და წინა წლებთან შედარებით 457 ახალი საბავშვო ბაღის და სკოლამდელი აღზრდის მინი–ცენტრების დაარსებას ჩაეყარა საფუძველი.