ამის შესახებ ზაქარეიშვილმა დღეს სასტუმრო “ქორთიარდ მარიოტში” “ნეტგაზეთის” კითხვის საპასუხოდ განაცხადა.

მისი თქმით, ამ საკითხზე ეკლესიის დუმილის გამო სხვადასხვა ჯგუფებში გარკვეული მოსაზრებები არსებობდა, თუმცა პატრიარქის ეს განცხადება უკვე სერიოზულ მხარდაჭერას ნიშნავს:

“მინდა საჯაროდ დიდი მადლობა გადავუხადო უწმინდეს და უნეტარეს ილია მეორეს, ეს იყო ძალიან მნიშვნელოვანი მხარდაჭერა იმ პოლიტიკის მიმართ, რაც ცალსახად და მკაფიოდ ევროპისკენ არის მიმართული”, – განაცხადა პაატა ზაქარეიშვილმა.