CNN-ის მიხედვით, გთავაზობთ იმ პროგრამების ჩამონათვალს, რის განახლებასაც გეგმავს ამერიკული მულტინაციონალური კორპორაცია:
Siri – აპლიკაცია, რომელშიც გაერთიანებულია აიპადის და აიფონის ყველაზე პოპულარული და გამოყენებადი განახლებები.
როგორც Apple აცხადებს, ამ პროგრამის გააქტიურების შემდეგ შეგეძლებათ გაიგოთ ნებისმიერი რამ, რაც დაგაინტერესებთ. ეს არის google now და microsoft cortana-ს მსგავსი აპლიკაცია. კომპანიის განცხადებით, პროგრამა შემოგთავაზებთ დროულ და მართებულ ინფორმაციას ადგილსამყოფელის, ისტორიის, იმეილების, კალენდრის შესახებ და ა.შ.
მაგალითად, მანქანით გადაადგილებისას აპლიკაცია შეგახსენებთ, თუ როდის უნდა შეუხვიოთ შემდეგ ქუჩაზე, რათა უფრო სწრაფად მიხვიდეთ დანიშნულების ადგილას ან თავი აარიდოთ საცობს. პროგრამას ასევე შეუძლია გაშიფროს საჯაროდ ცნობილი ტელეფონის ნომრები, მეილები, მისამართები.
Apple-ის ინფორმაციით, აპლიკაცია ყოველდღიურად შემოგთავაზებთ რესტორნებს, კაფეებს, სხვადასხვა საინტერესო ადგილებს თქვენი ადგილსამყოფელის მახლობლად.
Apple-ის ცნობით, iOS 9-ის განახლებებს შორის არის აპლიკაცია Reproductive Health, რომელიც საშუალებას იძლევა გაიგოთ, თუ როგორია თქვენი სექსუალური აქტივობა – რამდენად ხშირად გაქვთ სექსი და დაიცავით თუ არა თავი.
ამერიკული მულტინაციონალური კორპორაციის ცნობით, Apple Maps აპლიკაცია გადაადგილებაში დაგეხმარებათ. მართალია, ის ჯერ მხოლოდ 12 ქალაქს ”იცნობს”, თუმცა კომპანიამ განაცხადა, რომ ამ ქალაქების რიცხვი ახლო მომავალში საგრძნობლად გაიზრდება.
კორპორაციის ინფორმაციით, ამ აპლიკაციის შექმნის მიზეზი საზოგადოებრივ ტრანსპორტზე არსებული მწირი ინფორმაცია გახდა. Apple CEO Tim Cook – ასე ჰქვია რუკას, რომელიც 2012 წლიდან ფუნქციონირებს Apple-ის მომხმარებელთათვის.
Apple’s new News არის აპლიკაცია, რომელიც საშუალებას გაძლევთ, თვალი ადევნოთ მსოფლიოში განვითარებულ მოვლენებს და არ გამოგრჩეთ საინტესესო ამბები. Apple-ის განცხადებით, მასთან 20 მსხვილი კომპანია თანამშრომლობს, მათ შორის: ESPN, CNN, Conde Nast და The New York Times.
როგორც Apple-მა განაცხადა, მალე ეს პროგრამა მსოფლიოში არსებულ ყველა ცნობილ, ლიცენზირებულ მედიას დაუკავშირდება და თანამშრომლობას შესთავაზებს.
კორპორაციის განცხადებით, ასევე, სიახლეებს გვპირდება ახალი აპლიკაცია – Wallet. მისი მეშვეობით შესაძლებელი იქნება ნებისმიერი გადასახადის გადახდა. Apple-ის ინფორმაციით, მათთან თანამშრობლობენ Visa, MasterCard და American Express card.
The Notes app – iOS 9-ს კიდევ ერთი სიახლე, რომელიც საშუალებას გაძლევთ გააკეთოთ ჩანაწერები, შექმნათ ან გადაიღოთ პანორამა.
Multitasking არის აპლიკაცია, რომლის ჩართვის შემთხვევაშიც, თქვენ მოგეცემათ საშუალება ერთდოულად განახორციელოთ რამდენიმე ოპერაცია.
Quicktype – არის ბეჭდვის ახალი სტილი, რომელსაც Apple-ი მომხმარებლებს სთავაზობს. თქვენ შეგიძლიათ, მხოლოდ ორი თითის გამოყენებით მონიშნოთ ტექსტი და ელექტრონული კლავიატურით ისარგებლოთ.
Apple თავის მომხმარებელს ჰპირდება, რომ iOS 9-ს ექნება ე.წ. Battery Life. კომპანიის ცნობით, აპლიკაცია 24 საათის განმავლობაში ჩართულ მდგომარეობაში იქნება, მიუხედავად იმისა, რაში გამოიყენებთ მას მთელი დღის განმავლობაში.
Apple-ის განცხადებით, კომპანია iOS 9-ს თავის მომხმარებლებს ივლისში წარუდგენს.
