კოსმო-ტურიზმი

კერძო კომპანიები სულ უფრო მეტ ფულს ხარჯავენ იმაში, რომ საკუთარი კოსმოსური პროგრამები და შეთავაზებები შეიმუშაონ. მათი თქმით, ე.წ. კოსმო-ტურიზმი ცოტა ხანში ძალიან პოპულარული გახდება. 

კომპანიები კონკურენტუნარიანი გარემოს შექმნას ვარაუდობენ და წინასწარ ემზადებიან. პირველი მერცხალი ამ სფეროში ხომალდი ”დრაკონია”.

ხომალდი კოსმოსში 22 მაისს გაუშვეს. ის საერთაშორისო კოსმოსურ სადგურზე გაჩერდება. ”დრაკონს” ტურისტები არ წაუყვანია, თუმცა სხვა ხომალდებისგან იმით განსხვავდება, რომ კოსმოსში დაწვის ნაცვლად უკან, დედამიწაზე დაბრუნდება.

ექსპერტთა ვარაუდით, მალე კოსმო-ტურიზმი კოსმოსური ბიზნესის ერთ-ერთი მნიშვნელოვანი კომპონენტი გახდება.

რაკეტების დამზადებისა და კოსმოსში გაშვების ლიცენზიის მოსაპოვებლად ამ დროისთვის რამდენიმე კომპანია იბრძვის, მათ შორის უმსხვილესია– SpaceX და Orbital Sciences. მათ ფინანსური სუბსიდიების ნაწილს NACA აძლევს, თუმცა ფინანსების უდიდესი ნაწილის ძიება საკუთარი ძალებით უწევთ.

ზოგიერთი კომპანია საკუთარი კოსმოსური სადგურის აშენებასაც კი გეგმავს.

კოსმოტურიზმი
კოსმოტურიზმი

ნეტგაზეთის მასალების სხვა გამოცემებში გადაბეჭდვის წესი
netgazeti.ge