ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

გერმანიაში მცხოვრები მსახიობი ბექა ბედიანაშვილი ამბობს, რომ საქართველოში არ შემოუშვეს. ამ თემაზე მან პოსტი Facebook-ზე გამოაქვეყნა.

მისი თქმით, უარის მიზეზად გადაუხდელი ჯარიმა დაასახელეს.

„ჩემს მშობლიურ ქვეყანაში არ შემომიშვეს.
საათების განმავლობაში სხვადასხვა მიზეზს ასახელებდნენ და ინფორმაციას აგროვებდნენ, სანამ საბოლოოდ არ გაარკვიეს, რის დაბრალება სურდათ ჩემთვის. […] საქართველოს ხელისუფლება მკაცრია განსხვავებული შეხედულებების მქონე ადამიანების მიმართ. სწორედ ჩემი პოლიტიკური შეხედულებების გამო ვტოვებ ჩემი ცოლისძმის ქორწილს და ვერ ვარ ჩემს ცოლსა და ქალიშვილთან ერთად (ისინი რამდენიმე დღით ადრე გაფრინდნენ). ახლა კი მეშინია, რომ ქვეყანაში აღარ შემომიშვებენ, სანამ ეს ხელისუფლებაა სათავეში“, – დაწერა მან.

ბექა ბედიანაშვილის მამამ Facebook-ზე გამოაქვეყნა დოკუმენტის ფოტო, რომელშიც შემოსვლაზე მიზეზად მონიშნულია, რომ ბედიანაშვილს გადახდილი არ აქვს მისთვის დაკისრებული ჯარიმა.

მსახიობმა „ტვ პირველს“ უთხრა, რომ საზღვარზე განუცხადეს, თითქოს, 2 ოქტომბერს მიიღო ჯარიმა. მისივე თქმით, საქმის კურსში ჩააყენა გერმანიის საელჩოც.

„სად მივიღე მეთქი?! მე მხოლოდ გერმანიაში ვცხოვრობ, რომელ მისამართზე-მეთქი? და ამას ვერ მეუბნებოდნენ“.

 

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.